രക്ഷാകർതൃശാക്തീകരണം ജില്ലാതല ഉദ്ഘാടനംവും  മലയാളത്തിളക്കം ഉപജില്ലാതല വിജയപ്രഖ്യാപനവും – 15/01/2018

പൊതുവിദ്യാഭ്യാസ സംരക്ഷണയജ്ഞത്തിൻറെ ഭാഗമായി  രക്ഷാകർതൃശാക്തീകരണം ജില്ലാതല ഉദ്ഘാടനം തിരൂർ ബി.ആർ.സിക്ക് കീഴിലുള്ള ജി.യു.പി.എസ് പുറത്തൂരിൽ വെച്ച് പ്രൌഢ ഗംഭീരമായി നടന്നു.പരിപാടി തിരൂർ ബ്ലോക്ക് പഞ്ചായത്ത് പ്രസിഡൻറ് ശ്രീമതി ആർ.കെ ഹഫ്സത്ത് ഉദ്ഘാടനം ചെയ്തു.ചടങ്ങിൽ പുറത്തൂർ ഗ്രാമപഞ്ചായത്ത് പ്രസിഡൻറ് ശ്രീമതി.റഹ്മത്ത് സൌദ ,ജില്ലാ പഞ്ചായത്തംഗം ശ്രീമതി.അനിത കിഷോർ , ഡി.ഡി.ഇ ശ്രീമതി വത്സല , ഡി.പി.ഒ ശ്രീ.എൻ .നാസർ , ബി.പി.ഒ ശ്രീ ആർ.പി ബാബുരാജൻ , എ.ഇ.ഒ ശ്രീമതി പങ്കജവല്ലി, ഡയറ്റ് പ്രിൻസിപ്പാൾ ശ്രീ.അബ്ദുൽ ഗഫൂർ , ജനപ്രതിനിധികൾ , രാഷ്ട്രീയ പാർട്ടി പ്രതിനിധികൾ , പൂർവ്വാധ്യാപകർ തുടങ്ങിയവർ സംബന്ധിച്ചു.

ഇതിനോടനുബന്ധിച്ച് മലയാളത്തിളക്കം തിരൂർ ഉപജില്ലാതല വിജയപ്രഖ്യാപനം ബഹുമാന്യയായ ഡി.ഡി.ഇ ശ്രീമതി വത്സല നിർവ്വഹിച്ചു. രക്ഷാകർതൃശാക്തീകരണ ബോധവൽക്കരണ ക്ലാസ്സിൽ 2 ബാച്ചുകളിലായി 426 രക്ഷിതാക്കൾ പങ്കെടുത്തു.ക്ലാസ്സുകൾക്ക് ഡി.പി.ഒ നാസർ സാർ ,ട്രെയിനർമാരായ അബ്ദുസിയാദ് , മുഹമ്മദ് , മണികണ്ഠൻ , ഷാജി ജോർജ് , സുശീൽ കുമാർ എന്നിവർ നേതൃത്വം നൽകി.